នៅរសៀលថ្ងៃទី ៨ ខែឧសភា គណៈប្រតិភូមកពីមហាវិទ្យាល័យភាសា សិល្បៈ និងវប្បធម៌នៃសាកលវិទ្យាល័យជាតិ យូហ្គាយ៉ាកាតា ប្រទេសឥណ្ឌូនេស៊ី ដែលដឹកនាំដោយលោកស្រីសាស្ត្រាចារ្យ Endang Nurhayati និងលោកសាស្ត្រាចារ្យ Afendy Widayat បានអញ្ជើញទៅបំពេញទស្សនកិច្ចនៅមហាវិទ្យាល័យសិក្សាអាស៊ីនៃសាកលវិទ្យាល័យភាសាបរទេសប៉េកាំង។

លោកស្រីសាស្ត្រាចារ្យ ស៊ូ យីងយីង ប្រធានមហាវិទ្យាល័យសិក្សាអាស៊ី បានទទួលស្វាគមន៍គណៈប្រតិភូ និងបានថ្លែងអំណរគុណចំពោះការគាំទ្ររយៈពេលវែងពីសាកលវិទ្យាល័យជាតិ យូហ្គាយ៉ាកាតា សម្រាប់ការបណ្តុះបណ្តាលនិស្សិតរៀនភាសាឥណ្ឌូនេស៊ី។ លោកស្រីបានធ្វើបទឧទ្ទេសនាមអំពីការអភិវឌ្ឍរួមរបស់សាកលវិទ្យាល័យភាសាបរទេសប៉េកាំង បទពិសោធន៍អភិវឌ្ឍន៍របស់មហាវិទ្យាល័យសិក្សាអាស៊ី និងវឌ្ឍនភាពនៃកម្មវិធីភាសាឥណ្ឌូនេស៊ី ក៏ដូចជាការសិក្សាស្រាវជ្រាវអំពីតំបន់ និងប្រទេសពាក់ព័ន្ធផងដែរ។

បន្ទាប់ពីកិច្ចប្រជុំនេះ គ្រូបង្រៀនភាសាឥណ្ឌូនេស៊ីមកពីមហាវិទ្យាល័យសិក្សាអាស៊ីបានធ្វើការផ្លាស់ប្តូរយ៉ាងស៊ីជម្រៅជាមួយគណៈប្រតិភូ។